Цената на нафтата денеска продолжи да се зајакнува во споредба со највисоката вредност во изминатите три месеци, откако најновите податоци укажаа на ограничен раст на американските резерви.
Во меѓувреме, САД и Кина направија чекор напред во постигнувањето на трговска спогодба.
Цените на нафтените фјучерси во Њујорк се зголемија за 0,5 отсто што е значителен раст веќе седми ден по ред, пренесе американски Bloomberg.
Американската „лесна“ нафта за испорака во април поскапе за 28 центи на 57,44 долари за барел на Њујоршката берза, откако вчера се зголеми за 83 центи на 56,92 долари.
Цената на сировата „брент“ нафта скокна за 12 центи на 67,20 долари за барел на лондонската ICE берза, по вчерашниот скок од околу 63 центи на 67,07 долари.
Американскиот институт за нафта соопшти дека залихите на САД минатата недела пораснале двојно помалку од предвиденото зголемување.
Анонимен извор за Bloomberg изјави дека американски и кинески преговарачи моментално работат на повеќе меморандуми за спогодба со кои ќе се постави основата за конечниот трговски договор.
