Светската здравствена организација (СЗО) предупредува за новиот опасен вирус Зика кој може да се прошири во многу земји. Тие предупредуваат дека вирусот може да се прошири во сите земји од јужна и северна Америка, освен Канада и Чиле.
Научниците го поврзуваат овој вирус со оштетувања на мозокот кај илјадници бебиња во Бразил.
За вирусот што го пренесуваат комарци, засега не постои лек, а инфекцијата предизвикува симптоми како висока температура, конјунктивитис и главоболка. Вирусот е најопасен за бремените жени, бидејќи влијае на плодот, а децата се раѓаат со многу мала глава што понатаму влијае на развојот и може да доведе и до смрт.
Речиси 80 проценти од заразените, не знаат дека во себе го носат вирусот, се додека не се појават симптомите. CNN пренесува дека вирусот предизвика голема загриженост, бидејќи се шири многу брзо.
До сега вирусот Зика се појавил во 23 земји, а неколку држави веќе ги советуваа фамилиите, ако можат да го одложат проширувањето со принова.
„Ситуацијата со овој вирус постојано се влошува“ - вели доктор Антони Фаучи, директор на Институтот за алергии и инфекции во САД.
До сега, вирусот Зика се појавил во Барбадос, Боливија, Бразил, Колумбија, Еквадор, Француска Гвинеја, Гвадалупе, Гватемала, Хаити, Хондурас, Мексико, Панама, Парагвај, Порторико, Суринам и Венецуела.
Лекарите советуваат дека еден вид заштита е да се одбегнува патување во земјите и областите во кои постои вирусот, а ако веќе мора да се патува, тогаш советуваат максимална заштита од комарци.
Според CNN, здравствените организации и институти ширум светот продолжуваат да се трудат да произведат вакцина која ќе го победи вирусот.