Најмалку четворица луѓе загинаа, а 250 се повредени во тајфунот што го погоди Тајван, трет овој месец, при што се откорнати дрвја, а милиони луѓе останаа без напојување со електрична енергија.
Повеќето училишта и канцеларии се затворени, а патничкиот воз што го поврзува северот и југот на островот го прекина сообраќањето поради тајфунот Меги, што дува со брзина од 160 километри на час.
Островската метеоролошка служба најави дека не се очекува подобрување на временската состојба до денеска попладне.
Стотици меѓународни летови се откажани или одложени, додека железничкиот сообраќај се очекува да биде воспоставен попладне.
[jw: https://www.youtube.com/watch?v=SfMKfV4ybKE]