На многумина споменувањето на Кама Сутра веднаш им асоцира на збирка од сексуални пози, но всушност е многу повеќе од тоа. Покрај сексот, древниот текст се фокусира и на односот меѓу љубовниците, но и на самата љубов.
Иако станува збор за совети стари по неколку илјади години повеќето правила за квалитетен љубовен и сексуален однос многу лесно можат да се применат и денес. Според авторите на Кама Сутра, сексот е дел од природниот баланс на животот, а овие неколку правила овозможуваат максимално сексуално задоволство.
1. Предиграта е важен дел од сексот
Според Кама Сутра, нема добар секс без предигра која мора детално да биде направена. Предиграта не е само физичка, и самата интимност е предигра. Во тоа е вклучена комуникацијата меѓу партнерите и вербалното искажување љубов. Многу е важно на партнерот да му покажете дека го сакате на сите можни начини, дека ви е потребен и дека го посакувате најмногу во светот. Тоа може да го направите преку нежни допири и зборови кои ќе предизвикуваат експлозија во неа/него.
2. Жената секогаш има предност кога станува збор за оргазмот
Познато е дека мажите полесно и побрзо доживуваат оргазам, додека на жените им е потребна поголема стимулација. Токму затоа за повеќето мажи е пологично тие први да доживеат оргазам, но Кама Сутра не се согласува со тоа. Во текстот пишува дека жената има предност кога станува збор за оргазмот, а доколку мажот инсистира првин таа да доживее оргазам значи дека ја разбира и цени својата партнерка.
3. Сексот треба да се почитува
Според Кама Сутра, суштината на сексот не е само физичко задоволство туку треба да го гледаме како нешто позначајно, повредно. Сексот е пат до подобра комуникација, а колку што е подобра комуникацијата толку е поголема поврзаноста меѓу љубовниците и нивното задоволство е поголемо. Суштината на сексот се довербата, отвореноста, грижата за партнерот како физичко, но и емотивно суштество.