Светскиот шампион во тешка категорија, Тајсон Фјури, објави дека се повлекува од боксот. Британецот, кој во текот на целата кариера беше познат по многуте скандалозни настапи во јавноста, на Twitter објави дека се пензионира.
28-годишниот Фјури двапати избегна меч со Владимир Кличко, а според најновиот скандал Фјури најверојатно ќе остане без титулата бидејќи бил позитивен на кокаин. Ден по откажувањето на реваншот со Владимир Кличко, во урината на Фјури биле пронајдени траги од кокаин.
„Боксот е најтажната работа што сум ја работел. Јас сум најголемиот и исто така сум во пензија“, така некако гласи неговата објава на Twitter.
