Ракометарите на Металург и Вардар, Филип Талески и Алекс Душебаев, блескаа на натпреварите против Елверум односно Кирстијанштад, а тоа им донесе место во идеалниот тим на првото коло во Лигата на шампионите.
20-годишниот капитен на Металург, Талески, одигра брилијантен меч против Елверум и со 13 голови го предводеше тимот до победата 18-17. Талески по првото коло ја предводи листата на најдобри стрелци во ЛШ.
Душебаев, во триумфот на Вардар кај Кристијанштад 28-23, постигна седум голови, со кои беше најефикасен играч на натпреварот.
Тимот на колото:
Голман: Филип Ивиќ (Кјелце)
Десно крило: Каспер Килделунд (Холстебро)
Десен бек: Алекс Дуешбаев (Вардар)
Среден бек: Кентин Мае (Фленсбург)
Лев бек: Филип Талески (Металург)
Лево крило: Уве Генсхајмер (ПСЖ)
Пивот: Толга Озбахар (Бешикташ).