Вдовицата и мајката на рускиот амбасадор Андреј Карлов со лелеци и солзи го испратија неговото тело, кое беше вратено од Турција во Русија со најголеми почести.
Амбасадорот беше убиен на свиреп начин во Анкара, додека држеше говор на изложба посветена на Русија. Неговото тело пристигна во Москва, на Меѓународниот аеродром Внуково. Вдовицата на амбасадорот Марина, заедно со мајката на Карлов, не престанаа да го оплакуваат неговото тело. На церемонијата, на која Карлов беше дочекан како херој, присуствуваше и рускиот министер за надворешни работи, Сергеј Лавров. Телото на амбасадорот го носеа војници.
Инаку, сопругата Марина присуствувала на местото на убиството и била сведок на бруталното убиство. По пукањето, била однесена во болница каде доживеала „нервен слом“, пишува Sun. Во изјава за тајните турски служби таа вака го опишала целиот настан:
„Лежев на земја, како и сите други луѓе присутни на изложбата. Имаше многу посетители и сите бевме шокирани од тоа што се случи“.
