Вчера се случија две експлозии во близина на стадионот на Бешикташ во Истанбул, при што се загинати 29 луѓе, додека 166 се ранети, пренесува BBC.
Според досегашните информации, станува збор за бомба автомобил и самоубиствен напад во кои главни цели биле полицајците. Експлозиите се случиле два часа по мечот меѓу Бешикташ и Бурса (2:1). Досега се уапсени десетмина, а Турција прогласи ден на жалост.
Засега никој ја нема преземено одговорноста за нападите, а власта се сомнева во Курдската работничка партија и Исламска држава.
Претседателот Реџеп Тајип Ердоган го потврди бројот на жртви, од кои најголем број се полицајци.
„Се случи терористички напад над нашите безбедносни сили и над граѓаните“, изјави тој.
[jw: https://www.youtube.com/watch?v=NdtHY1u2M5E]