Триесетгодишен кавадарчанец е тешко повреден, откако со своето возило излетал од патот.
Инцидентот се случил во недела попладне околу 15:40 часот на патот Кавадарци - Мотел Дреново, кога Ѓ.К. (30) од Кавадарци, управувајќи автомобил „фолксваген голф“ со кавадаречки регистерски ознаки, изгубил контрола над возилото и излетал од патот.
Во незгодата Ѓ.К. се здобил со тешки телесни повреди, а поради сериозноста на повредите од ЈЗУО Кавадарци е пренесен во КЦ-Скопје.
Увид на местото на настанот извршила увидна екипа на ПС-Кавадарци.
