Две лица се повредени во судир што се случи вчера попладне меѓу велосипедист и мотоциклист на Водно.
Шеснаесет годишно момче се спуштало со велосипедот, кога дошло до директен судир со мотоцикл кој се качувал кон Средно Водно. Од силината на ударот момчето летнало во воздух и паднало неколку метри подалеку, при што заработило повеќе повреди на телото.
Паднал и мотоциклистот, а двајцата биле префрлени во Ургентен центар, а момчето заради сериозноста на повредите е префрлено на КАРИЛ и лекарите се борат за неговиот живот.
Полицијата изврши увид на местото на настанот, а сообраќајот беше во прекин.
