Шведската активистка против климатски промени, младата Грета Тунберг, е прогласена за личност на 2019 година според магазинот Time.
16-годишната Грета годинава се обрати пред светските лидери на самитот на ОН за да го искаже ставот на младите луѓе низ светот и ги повика лидерите да дејствуваат за да се намалат климатските промени.
И додека за едни луѓе Грета стана идол, за други стана провокатор. Но, со најновото признание на Time таа стана најмладата личност на годината во 92-годишната историја на магазинот.
Според уредникот Едвард Фелсентал, Грета Тунберг претставува најгласниот глас за најважната работа со која се соочува годинава нашата планета, девојка која е лидер на светско движење против климатските промени.
На социјалните мрежи веќе пристигнуваат честитки до Грета, а има и такви кои не се задоволни со изборот на магазинот.