Можеби не изгледаше убаво, но се исплатеше – Њу Ингланд Патриотс го освоија Супербоул 2019 со историски најмал број на поени. Тие го победија тимот на Лос Анџелес Ремс со 13:3 и легендарниот Том Брејди дојде до рекордниот шестти шампионски прстен во НФЛ лигата.
53-тото издание на Супербоул им припадна на „патриотите“ од Њу Ингланд, кои беа подобри од Лос Анџелес Ремс, иако постигнаа само 13 поени.
Одбраната на Патриотс функционираше совршено и тие дозволија само 3 поени за противникот, кој изгледаше немоќен против машинеријата на Том Брејди и Бил Беличик. Синоќа тие ја освоија шестата шампионска титула во 60-годишната историја на клубот, а притоа Брејди го освои неговиот шести прстен и со тоа го помина Чарлс Хејли како единствен кој успеал шест пати да триумфира во големото финале на НФЛ лигата.
По првото полувреме Њу Ингланд Патриотс имаа водство од 3:0, откако Гостковски реализираше филдгол во неговиот втор обид. Во второто полувреме Рамс израмнија со сопствен филдгол и во последната четвртина се замина со нерешен резултат.
Сони Мичел се покажа како херој во составот на Патриотс и со неговиот тачдаун го решија победникот на овогодинешниот Супербоул. Потоа Гостковски го погоди и дополнителниот филдгол кој носеше 1 поен, а на помалку од две минути до крајот погоди уште еднаш од поле и го постави конечниот резултат – 13:3.
Со оваа титула Њу Ингланд Патриотс се израмнија со Питсбург Стилерс на првото место по бројот на титули во НФЛ и сега двата тима имаат по шест.
