„Ја видов, таа е вистинска“, вака започнува краткиот тизер за „The Mummy“, новиот филм со Том Круз. Премиерата на филмот, во режија на Алекс Курцман, е закажана за јуни 2017 година.
„The Mummy“ ќе биде првиот филм од франшизата на Universal за класични филмови со чудовишта. Познато е дека ќе има и филм за Ван Хелсинг, додека Џони Деп ќе се појави во The Invisible Man. Други имиња што се споменуваат се на актерите Двејн Џонсон и Хавиер Бардем, а Universal ги распореди понатамошните филмови за април 2018 година и февруари 2019 година.
Премиерата на „The Mummy“ е закажана за 9 јуни 2017 година, а во главните улоги, покрај Том Круз, се појавуваат Софија Бутела, во улогата на античка кралица, Анабела Волис, Џејк Џонсон, Расел Кроу и други.
[jw: https://www.youtube.com/watch?v=YROTBt1sae8]