Ханој, 27 февруари 2019 (МИА) – Ракчиња, маринирано месо и зеленчук, но и чоколадна торта и овошен пунч вечераа претседателите на САД и Северна Кореја Доналд Трамп и Ким Џонг-ун денеска во Ханој.
Гласот на Америка, повикувајќи се на Белата куќа, го објави менито, а според него Трамп и Ким почнале со мешавина од ракчиња, азиска зелка, авокадо, свеж лимон и билки. За главно јадење уживале во лесно печено месо во сос и кимичи – традиционално корејско национално јадење, подготвено од ферментиран сезонски зеленчук и други состојки во крушка.
За десерт им била послужена чоколадна лава торта со зрнесто овошје и сладолен од ванила.
За време на вечерата, која траела 102 минути, двајцата претседатели пиеле пунч со сушени јапонски јаболка и мед.
