Поранешниот американски претседател Доналд Трамп ги повика своите приврзаници да вакцинираат против COVID-19 и покрај недовербата.
„Го препорачувам [вакцинирањето], им го препорачувам на оние кои не го сакаат, а многумина од нив гласаа за мене“, изјави Трамп за Fox News.
„Вакцината е одлична, безбедна е и делува“, додаде тој.
Трамп беше остро критикуван последната година од неговиот мандат за начинот на кој се справи со корона-кризата, но и поради ноншалантниот однос кон сериозноста на пандемијата.
Во понеделникот, портпаролката на Белата куќа, Џен Псаки, потсмешливо забележа дека поранешниот претседател не придонесува кон охрабрувањето на граѓаните да се вакцинираат.
„Сите други поранешни претседатели кои се живи (...) се приклучија на кампањата за сензибилизација и не им требаше официјална покана“, рече таа.
Доналд и Меланија Трамп беа вакцинирани во јануари, неколку недели пред да ја напуштат Белата куќа. Но, информацијата ја открија нивните блиски соработници неколку недели подоцна.
