Почнаа да се проименуваат новите такси за увоз на американски производи во ЕУ, како одговор на одлуката на претседателот на САД Доналд Трамп да воведе повисоки царини за европскиот челик и алуминиум.
Американски производи во вредност од 3,4 милијарди долари ќе бидат подложни на нови такси, а меѓу нив се продукти како сок од портокал, путер од кикирики, бурбон, мотори Harley-Davidson и фармерки, што е начин да се изврши политички притисок на Трамп и американските политичари.
Трамп за подгреа трговската војна кога воведе царина од 25% на увозот на европскиот челик и 10% на алуминиум од 10 јуни. Европа вели дека со тоа се кршат глобалните трговски прописи.
Судирот меѓу ЕУ и САД е дел од поширокиот спор околу меѓународната трговија. За две недели ќе почнат да важат новите царини на кинеските увозни производи во САД во вредност од 34 милијарди долари.
Пекинг најави дека ќе возврати на ударот.
Рускиот министер за економски развој Максим Орешкин најави дека Русија во најскоро време ќе воведе дополнителни даноци на увоз на американските стоки.
„Поради продолжување на дејството на американските заштитни мерки поврзани со увозот на челик и алуминиум, како и одбивањето да се надомести руската загуба, Русија ги користи своите права по прописите на Светската трговска организација и воведува повратни мерки за увозот од САД“, рече Орешкин неделава и додаде дека мерките во вид на дополнителни даноци за американските производи ќе бидат воведени наскоро.