Неодамна, на списокот на планети кои би можеле да имаат живот, астрономите додадоа три тела оддалечени од Земјата на околу 40 светлосни години.
Научниот труд е објавен во понеделникот во магазинот Nature, а во него стои дека новооткриените планети орбитираат околу ладна џуџеста ѕвезда.
„Системите како што е овој се единствени места каде со моменталната технологија би можеле да детектираме живот. Па така, ако сакаме да пронајдеме вонземен живот, нашата потрага би требала да почне тука”, вели еден од авторите на истражувањето, Мишел Гилон, од Универзитетот во Лиж, Белгија.
Повеќето до сега пронајдени егзопланети не се поволни за развој на живот каков што го познаваме. Во ноември беше откриена планета слична на Земјата на околу 39 светлосни години од Сонцето, но температурата на ова тело е неподносливи 300 до 600 степени.
Трите новооткриени планети кружат околу ѕвездата Тарпист-1 која се наоѓа во соѕвездието Водолија. Sвездата е со големина на Јупитер, а планетите се доволно блиску за на нивната површина да владее „нормална” температура.
Двете планети кои се најблиску до нивното Сонце орбитираат околу него за 1,5 и 2,4 денови. Годината за третата планета трае 4,5 денови.
