Во текот на април биле пријавени три случаи на семејно насилство во Битола. Двајца битолчани ги нападнале своите сопруги, а трет битолчанец ја нападнал мајка си.
Едниот случај е регистриран на 19 април, кога четириесет и шестгодишен битолчанец, пијан, почнал да се расправа со неговата сопруга. Синот на неговата сопруга од првиот брак се обидел да ги раздели, но во тој момент пријавениот го удрил во пределот на десното око нанесувајќи му телесна повреда.
Другиот случај се случил на 24 април кога педесетгодишен битолчанец влегол во спалната соба на поранешната сопруга, со викање ја разбудил и со кујнски нож се заканил дека ќе ја убие. Потоа почнал да ја турка и да ја влече низ ходникот, по што нивниот син дошол да ги раздели. Пријавениот сам паднал во ходникот по што повикал полиција.
Во третиот случај, кој се случил на 12 април, триесет и четиригодишен битолчанец во семејната куќа почнал да вика по неговата мајка бидејќи го пријавила за семејно насилство.
Потоа ѝ побарал пари, а кога му рекла дека нема ја нападнал со тупаници и ја заклучил во спалната соба. Против тројцата се поднесени кривични пријави.