Кошарка

Трипл дабл на Харден, порази за Кливленд и СА

11. јануари 2017 - 10:12 | Макфакс

Џејмс Харден со нов трипл дабл го предводеше Хјустон до триумф над Шарлот. „Брада“ го забележа 11-от трипл дабл во сезоната, петти на последните седум натпревари и му помогна на Хјустон да ја забележи деветтата победа во низа.

Хјустон го совлада Шарлот со 121:114, а Харден имаше учинок од 40 поени, 15 скокови и 10 асистенции. Хјустон влезе во неизвесен финиш иако имаше предност и од 18 поени. Мечот го реши Рајан Андерсон кој постигна тројка на 90 секунди до крајот.

Јута го изненади актуелниот првак Кливленд со 100:92. Гордон Хејворд го доби дуелот со Леброн Џејмс што беше клучно за триулфот на Јута. Хејворд постигна 28 поени, а Родни Худ 18 поени. Леброн Џејмс со 29 поени беше најефикасниот кај Кливленд.

Милвоки го изненади Сан Антонио со победата од 109:107. Сан Антонио го забележа петтиот пораз на домашен терен во тековната сезона, иако Кавај Ленард постигна 30 поени. Милвоки го предводеше Мајкл Бизли со 28 поени.

Торнто имаше негатива од 16 поени против Бостон, но Демар Дерозан и соиграчите стигнаа до победа од 114:106. Дерозан постигна 40 поени, Кајл Лаури уфрли 24, а Јонас Валанчиунас оставри „дабл-дабл“ од 18 поени и 23 скокови.

На другите натпревари: Вашингтон го совлада Чикаго 101:99, Бруклин загуби од Атланта 97:117, Сакраменто го победи Детроит 100:94, Лејкерси загубија од Портланд 87:108, а Голден Стејт триумфираше против Мајами 107:95.

Loading the player...

 

Коментирај