Можеби Голден Стејт Вориорс се актуелни шампиони и ги имаат најдобрите играчи, но се мачат на почетокот од новата сезона. Ноќеска Мајами Хит им го нанесе третиот последователен пораз.
Стеф Кари се обиде да го предводи тимот до победа на гостувањето во „ФиТиЕкс“ арената во Мајами и за таа цел успеа да направи трипл-дабл учинок со 23 пооени, 13 скокови и исто толку асистенции. Меѓутоа, катастрофалната последна четвртина го одлучи победникот откако домаќинот ја доби со 15 поени разлика (30:15) и славеше со 116:109.
Кари имаше очигледно недоволна поддршка во Канаѓанецот Ендрју Вигинс и Клеј Томпсон кои уфрлија по 21 односно 19 поени, додека ниту еден друг нивен соиграч не ја надмина границата од 10 поени.
Во редовите на Мајами Хит најефикасен (и на натпреварот) беше Макс Струс со 24 поени, еден помалку уфрли Џими Батлер, 19 имаше Бем Адебајо, 17 Данкан Робинзон, а 13 Кајл Лори.
Со 3 последователни порази, а вкупно 5 сезонава, Голден Стејт е во долниот дел од Западната конференција (12-то место). Ниту Мајами не е нешто подобар бидејќи има исто скор од 3-5, а е 11-ти на Истокот.
Резултати:
Бруклин Нетс - Чикаго Булс 99:108
Мајами Хит - Голден Стејт Вориорс 116:109
Оклахома Сити Тандер - Орландо Меџик 116:108
Феникс Санс - Минесота Тимбервулвс 116:107
Табела:
