Македонец на возраст од 40 години загина, а 38 лица се повредени, во сообраќајна несреќа што се случила ноќеска во близина на турскиот град Едрене, објавуваат турските медиуми.
Петмина од туристите се потешко повредени и заедно со другите повредени се пренесени во околните болници.
Несреќата се случила кога автобус со скопски регистарски таблици управуван од педесетгодишен возач се судрил со камион натоварен со јаглен со турски регистарски таблици.
Камионот го влечел автобусот стотина метри, пишуваат турските медиуми кои ги објавија и имиња на загинатиот и возачот на автобусот.
Автобусот се враќал за Македонија по туристичка тура во Истанбул. Од Министерството за надворешни работи се известени за инцидентот и најавија соопштение за јавноста.