Турските вооружени сили соопштија дека 8.651 припадници на војската, или околу 1,5 отсто од силите, учествувале во неуспешниот обид за воен удар ноќта на 15 јули, додавајќи дека тоа покажува дека „надмоќно мнозинство“ силно му се противело на пучот.
Војската наведува дека војниците кои учествувале во пучот се припадници на „терористичката фетулистичка организација“, како што официјална Анкара ја именува организацијата на следбениците на исламскиот проповедник Фетулах Ѓулен, кој од 1999 година живее во егзил во САД.
Вооружените сили соопштија дека во обидот за државен удар биле користени 35 авиони, од кои 24 борбени, 37 хеликоптери и 246 оклопни возли, вклучително и 74 тенкови. Пучистите контролирале три воени брода,.
Турската војска, којашто е трета по големина на НАТО, брои 680.000 припадници.
Во неуспешниот обид за воен удар се убиени најмалку 246 цивили, и околу стотина пучисти, а ранети се повеќе од две илјади луѓе.