Како Европјани, може да се пофалиме со многу од својата култура: Богатата традиција, храната, историјата, различните јазици, но и однесување и навики кои може да бидат чудни за другите нации, надвор од овој континент.
Туристите од САД и Австралија, што имале можност да ја посетат Европа, на онлајн форумот Quora издвојуваат неколку нешта како правила, навики и однесувања во европските држави што ги оставиле во шок.
- Пиење за време на работна пауза е сосем нормално во многу држави во Европа. Вработените излегуваат на ручек на кој пијат 2-3 чаши вино или пиво и се враќаат на работа нешто што не е ниту навика ниту дозволено во држави како САД.
- Евтино и свежо овошје и зеленчук на пазарите и во маркетите. Свежите намирници се подостапни и поевтини од преработените и конзервираните.
- Либерален став кон пороци: Многу пушачи, реклами за цигари и алкохол насекаде.
- Еманципирани и самостојни деца, кои често се гледаат во помали групи како одат или се враќаат од училиште без да се однесуваат „детинесто“.
- Агресивно возење, особено во метеж.
- Бирократија од кошмарите. Секој документ што треба да го извадите, особено за идентификација, некогаш знае да одземе неколку месеци и во повеќе посети во институцијата што се состојат од неколку часа „дремење“ во редица.
- Европјаните се во тек со американските случувања и политика, за што секојдневно се известува во медиумите.
- Поздравување со жени, односно трите бакнежи на образи што се практикува во многу европски земји, кога се поздравувате со женско.
- Наплаќање за тоалет - нешто што е честа практика на јавните места како железнички и автобуски станици.
- Голитија на ТВ и воопшто насекаде. Законите во европасо полиберални во однос на покажување на еротика и голотија на рекламите или сериите и филмовите.
- Соблекување на чевлите дома е практика кај повеќето европски народи, но не и за американските - хигиенска навика која доаѓа како позитивен шок за овие туристи.