Фудбал
МЕМОРИЈАЛЕН ТУРНИР „ВАЦЛАВ ЈЕЖЕК“ 2019

У18 репрезентацијата со автогол загуби од Украина

22. август 2019 - 11:56 | Ф.З.

Македонските надежи забележаа несреќен пораз од своите украински врсници во првиот натпревар од меморијалниот турнир во Чешка одигран синоќа.

Младите Македонци поведоа по само четири минути игра со голот на Методи Максимов, но на полувреме не заминаа со предност откако Сљусар израмни во последната минута.

Во вториот дел двете репрезентации имаа шанси, но гол немаше сѐ до десет минути пред крајот. По едно нафрлување на Максим Волинец, нашиот голман Николоски несреќно си постигна автогол кој се покажа решавачки.

Јозеф Масопуст стадион во Мост, Чешка
Македонија У18 - Украина У18 1:2 (1:1)
Стрелци: 4' Методи Максимов - 45' Денис Сљусар, 80' (аг) Иван Николоски
Македонија: Иван Николоски; Филип Костовски, Александар Ѓурковски, Спасе Терзиев, Али Асани, Димитар Тодоровски, Иван Николов, Лука Станковски, Бехар Фета, Методи Максимов, Марио Илиевски.
Украина: Зновенко; Изотов (78' Машенко), Кузик, Бражко, Сљусар, Тлумак, Волинец (90'+2 Здирко), Савењук (73' Шуранов), Ковал (46' Соловјов), Кулалаев, Брук.

Вториот натпревар од групната фаза Македонија го игра денеска од 17 часот против Словачка во Литомерице. Во првото коло Украина и Словачка одиграа 1:1

Коментирај