Во Берлин вчера е убиен Фриц фон Вајцзекер, главен доктор на Клиниката Шлоспарк и син на поранешниот германски претседател Рихард фон Вајцзекер.
Убиството се случило во текот на предавање во клиниката. Во еден момент непознат маж одеднаш го нападнал 59-годишниот доктор пред очите на вџашените лекари и останатите присутни на предавањето.
Еден полицаец, кој случајно присуствувал, се обидел да го спречи нападот, но безуспешно. Лекарот се здобил со тешки повреди на кои подоцна им подлегнал, пренесуваат германските медиуми.
Убиецот е пронајден и уапсен од страна на полицијата.
Фон Вајцзекер од 2005 година бил главен доктор на Одделението за интерна медицина. Неговиот татко од 1981 година до 1984 година беше градоначалник на Берлин, а од 1984 година до 1994 година беше претседател на Германија.
