Најмладата градоначалничка во Еквадор, Брихите Гарсиа (27), и вработена во градот, била пронајдена убиена во автомобил вчера рано наутро, соопшти еквадорската полиција. Властите на оваа јужноамериканска земја ја обвинуваат трговијата со дрога за бранот насилства во земјата, пишува Reuters.
Националната полиција соопшти дека ја истражува смртта на 27-годишната градоначалничка на Сан Висенте и Хаиро Лоор, нејзиниот директор за комуникации, откако нивните тела биле откриени во провинцијата Манаби. Двајцата биле застрелани, соопшти полицијата.
Подоцна вчера, полицијата соопшти дека пукањето дошло од изнајмен автомобил и дека го следеле GPS системот на возилото. Гарсиа беше во партијата Движење на граѓанската револуција на поранешниот претседател Рафаел Кореа.
Кореа и Луиса Гонсалес, претседателска кандидатка на партијата на неодамнешните избори, убиството на Гарсиа го нарекоа атентат.
„Само што дознав дека ја убиле нашата колешка, градоначалничката на Сан Висенте, Брижит Гарсиа“, објави Гонсалес на Х.
