Потпретседателот на УЕФА, Микеле Ува, ги потврди шпекулациите дека е можно финалето на Лигата на шампионите 2020 да не се одржи во Истанбул.
Јавноста ја „притиска“ УЕФА откако Турција започна воена офанзива против Курдите во Сирија, а турските фудбалери со војнички поздрав ги прославија головите во квалификациите за Европското првенство во 2020 година.
„Ние сакаме да сме автономна организација, но не можеме да ги оспориме мислењето на ЕУ, државите, амбасадорите и другите политички институции. УЕФА, за одлуките се консултира со извршниот одбор и претседателот“, изјави италијанецот Ува.
И пред инцидентите во Сирија, имаше повик натпреварот да не се одржи во Истанбул заради безбедносни причини.
Финалето на ЛШ 2020 треба да се одигра на стадионот „Ататурк“ во Истанбул, кој има капацитет од 76.000 гледачи.
Овој стадион беше домаќин на ЛШ во 2005 кога Милан иако губеше со 3:0 од Ливерпул на крајот победи на пенали.