Шведскиот производител на ексклузивни суперспортски автомобили посвети специјално дизајниран, виолетов примерок на моделот Regera на легндарниот музичар Принц кој почина во април минатата година.
Принц Роџер Нелсон, кој се прослави со хитот Purple Rain од 1984 година почина на 21 април минатата година, но неговата музика се уште живее благодарение на одличните хитови што ги има создадено.
Шведскиот бренд сега претстави уникатна верзија на Regera, чија надворешност од јаглеродни влакна е обоена во виолетова боја, додека ентериерот е со снежно бела боја.
Идејата за овој проект е на Стивен Вејд кој во компанијата е задолжен за односи со јавноста, а очигледно е и голем фан на Принц.
Koenigsegg Regera за погон користи 5.0 литарски V8 би-турбо мотор, кој во комбинација со трите електрични мотори произведува дури 1.500 коњски сили и има 1.986Nm максимален вртежен момент.
Автомобилот од 0-100 забрзува за 2,8 секунди и достигнува максимална брзина од 402 километри на час.