Службениот автомобил на рускиот претседател Владимир Путин учествувал во директен судир во Москва, во кој загинал возачот на претседателот на Русија, соопштија руските медиуми.
Според медиумските извештаи во несреќата што се случила на 2 септември, учествувал службениот автомобил на Владимир Путин, црниот BMW, а рускиот претседател во тој момент не се наоѓал во него.
Несреќата се случила кога во претседателската лимузина удрил друг автомобил, кој до својата лента минал во спротивната, во којашто се движело возилото на Путин.
Снимките од надзорните камери кои го снимаат сообраќајот на московската авенија Кутузов покажуваат дека „мерцедесот“ директно се судрил со претседателското BMW.
Руските медиуми наведуваат дека автомобилот го возел омилениот официјален возач на рускиот претседател кој загинал на самото место на несреќата, додека возачот на „мерцедесот“ бил префрлен во болница во критична состојба.
Путин во тој момент не бил во возилото, се истакнува во извештаите. Исто така, не е објавено името на возачот, туку се наведува дека станува збор за возач со 40 години работно искуство како службен возач на високи руски функционери.
