Уставниот суд денеска нема да ја разгледува иницијативата за оценување на уставноста на законот за Специјално јавно обвинителство, потврдуваат од Уставниот суд, иако ова е едно од барањата на граѓанската иницијатива „Протестирам“ и „Шарената револуција“ којашто два месеца протестира и организира герила акции против владејачките политики.
Од Судот велат дека нема да има промена на дневниот ред на седницата закажана за утре во 9 часот.
Иницијативата за оценување на уставноста на Законот за јавно обвинителство е распределена за работа кај судија известител, но се уште не е ставена на дневен ред.
Уставниот суд одржува седници секоја среда, а токму утре е последниот ден кога би можела да биде ставена на дневен ред оваа иницијатива за да се исполни барањето на „Шарената револуција“, до 18 јуни овој Суд да се произнесе за уставноста на СЈО.
Освен ова, граѓаните кои ја поддржуваат „Шарената револуција“ бараат да се запре прогонот на демонстрантите, односно да се повлечат сите пријави од Министерството за внатрешни работи заради учество во протестите.
На членовите на партијата „Левица“ кои беа притворени заради учество во толпа која ја демолираше Народната канцеларија на Претседателот во петокот им беше укинат притворот, но тие сè уште не се на слобода, бидејќи одлуката сè уште не била правосилна.