Наука

Утре ќе бидеме сведоци на спектакуларен метеорски дожд

12. декември 2012 - 10:44 | М.Т.

Луѓето ширум светот ноќта наспроти петок, ќе бидат сведоци на најспектакуларниот метеорски дожд во годината, Геминида, кој може да се види со голо око од било кое место на планетата.

Метеорите кои ќе имаме можност да ги видиме утревечер се од созвездието Близнаци и токму од таму и го добил името овој метеорски дожд. Инаку дождот трае неколку денови во текот на декември, но најголем интензитет има ноќта на 13-ти кон 14-ти. Геминида е позната како најдолготрајниот метеорски дожд со 120 метеори на час, кои потекнуваат од астероидот 3200 Pheathon.

Доколку сакате да го проследите спектаклот треба да престојувате во место каде нема преголемо светло за да не ви пречи при погледот. Тоа можете да го сторите и од својот прозорец, само изгаснете го светлото за да можете подобро да видите.

Дури и НАСА во живо ќе го пренесува дождот, а камерата ќе биде поставена во базата во Хантсвил.

 

Коментирај