Ракометарите на Вардар со победа ја отворија сезоната во Лигата на шампионите. „Црвено-црните“ рутински славеа кај Кристијанштад со 28-23 (15-12).
Вардар успешната серија од СЕХА лигата ја пренесе и во Лигата на шампионите, а кај Кристијанштад беа предводени од Шетрбик (13 одбрани), односно Душебаев (7 голови) и Карачиќ (5 голови).
Отпорот на Кристијанштад траеше десетина минути, кога домашниот тим ја оствари максималнатата предност од три гола (7-4). По минутата одмор на Раук Гонзалес, Вардар најпрвин ја консолидира одбраната, Штербик влезе во ритам, а како резултат на цврстата зона проработе нападот и вардарци со серија 7-1 го свртеа резултатот на 11-8.
Во продолжение на мечот Кристијанштад само еднаш се закани кога стигна до гол негатива 11-10, Вардар лесно се врати во позитивниот ритам, три гола на полувреме, потоа и максимална предност од 25-18, во второто полувреме за конечен триумф 28-23.
Вардар во второто коло, во Б групата, на 1.октомври (17:30 часот) ќе го пречека Мешков Брест.
