Фитнес инструкторката Чарли Аткинс сподели супервежби со кои ќе ги зацврстите и обликувате нозете до совршенство.
За овие вежби ви се потребни само осум минути дневно, што значи дека немате веќе изговори дека немате време за вежбање. Може да ги направите каде било, а од опрема за вежбање ви требаат само хеланки, патики, спортски градник и волја за вежбање.
Секоја вежба повторете ја од 8 до 20 пати, во зависност од вашата општа физичка подготвеност и кондиција, во две до четири серии. Не заборавајте добро да се загреете пред тренингот и да се истегнете потоа.
Можете да возите велосипед, да трчате, да скокате со јаже или да направите друга аеробна вежба за загревање на целото тело. По тренингот внесете доволно магнезиум за да ја спречите болката во мускулите.