Фит

Вежби за стомачни мускули со Памела Рајф

11. ноември 2019 - 16:01 | А.С.

Ако сакате да изгледате како професионален спортист или фитнес тренер, видете како живеат тие, велат експертите. Што значи тоа? Доволно одмор, здрава исхрана, редовно вежбање со различен интензитет (правилно загревање, редовен тренинг, спортови, масажи, истегнување), како и правилно и навремено одмарање.

Секако, никогаш не е доцна да почнете со вежбање. Битно е да имате волја, но и правилен план за да не прегорите за брзо и да не се повредите.

Без разлика дали вашата цел е подобра физичка подготвеност или естетско подобрување, стомачните мускули се важни за правилно држење на телото и се основа за градење на вајана мускулатура на целото тело.

Интензитетот на вежбање треба да се менува. Ако сакате да го намалите интензитетот, правете повеќе повторувања на истата вежба, а кога правите помалку повторувања, тогаш нека бидат интензивни.

На овој начин оптимално ќе заздравуваат мускулите од еден до друг тренинг и ќе постигнете одржливост на вашиот режим на вежбање.

За да формирате дефинирани мускули мора да се чувате од прегревање, повреди и регресија на вежбањето.

Фитнес инструкторката Памела Рајф подготви одлично видео со вежби за стомачни мускули за кои ќе треба да одвоите само 10 минути од тренингот.

Коментирај