Артуро Видал е хоспитализиран откако се покажа дека е позитивен на COVID-19, поради што ќе го пропушти натпреварот меѓу Чиле и Аргентина во квалификациите за СП 2022.
„Докторите од чилеанската репрезентација на барање на Видал објавија дека е позитивен на коронавирусот во текот на превентивниот преглед извршен на 31 мај“, стои во објавата на интернет страницата на чилеанската репрезентација.
Претходно, лекарската екипа објави дека Видал не тренира и е одвоен од останатите фудбалери бидејќи има температура и болки во грлото.
Меѓутоа, во ново соопштение се наведува дека 34-годишниот Видал веќе 72 часа е хоспитализиран и изолиран од остатокот од репрезентацијата поради ангина“.
ПЦР-тестовите кои ги правел во последните три дена биле негативни.
Тој нема да патува со остатокот од репрезентацијата на натпреварот против Аргенитна во склоп на јужноамериканските квалификации за СП 2022.
Видал, кој е вакциниран против COVID-19 во петокот со останатите фудбалери, ќе го пропушти и натпреварот против Боливија.