Збирка на десеттина феноменални изведби на македонски песни препеани од странци, кои ја исполнуваат душата на секој Македонец. Кој вели дека само ние пееме странско? :)
Навистина воодушевувачка изведба. Симнуваме капа за:
- Бразилецот кој на YouTube се потпишува како onesef76. Засега перфектно ги отпеа "Со маки сум се родила", "Каде сте Македончиња" и "Игри без граници".
- Унгарскиот оркестар "Дилбер" во изведба на "Благуно дејче, пожаранче". Вокал: Бергер Хана.
- Петр Елфимов (Белорусија), на македонскиот избор за песна за Евросонг 2009, во изведба на "Полско цвеќе" од Тоше Проески. Ова е уште една прекрасна изведба која едноставно не смеете да ја пропуштите.
- Јапонци ја пејат "Јовано, Јованке".
- Уште една изведба на "Јовано, Јованке", овој пат во Монтреал. Пејачи: Хелен Рејнвил и Фара Мухамед.
- Ансамбл "The Pennywhistlers" - "Што ми е мило".
- Легентарниот Шкот Ерик (Д Чиз) од навивачката група "Tartan Army", вечерта пред фудбалскиот натпревар помеѓу репрезентациите на Македонија и Шкотска. Иако ги победивме Шкотите, Ерик беше доволно срцка за да изјави: "I apologise for any mistakes I made during my singing, but I had drunk a few rakija's. Next time I am in Macedonia I will sing better, and maybe even more songs. Thankyou Macedonia, I now have Red & Yellow in my blood!"
Македонија ви се заблагодарува на сите.
