На Викторија Бекам (49) ѝ е кажано дека нема повеќе да старее откако го запре часовникот со ласерски третман за подмладување, кој може да чини околу 2.000 фунти, пренесуваат британските таблоиди.
Модната дизајнерка викендов се огласи на Instagram за да открие дека неодамна била подложена на ласерско обновување на горните слоеви на кожата, или ресурфејсинг, во центарот за пластичната хирургија Ghavami во Лос Анџелес.
Ова е напреден третман за подмладување на кожата кој има за цел да ги отстрани фините линии, брчките, да ја затегне кожата и да ја изедначи дисколорацијата.
Викторија разговара за својот нехируршки третман со д-р Гавами во видео споделено на социјалните мрежи, а во кое тој ја уверува дека буквално нема да старее.
За третманот на Викторија, тој рече: „Мислам, не само што гледаме да го вратиме часовникот назад, туку и сега го запираме. Значи, буквално повеќе нема да старееш“.
Просечната цена за ласерскиот ресурфејсинг е околу 2.010 фунти (2.509 долари) за аблативен и 1.100 фунти (1.445 долари) за неаблативен третман, според процените на Американското здружение на пластичните хирурзи за 2020 година.
Госпоѓа Бекам на 17 април го прослави својот 49-ти роденден.
