Sony Pictures објави нов трејлер за филмот „Bad Boys For Life“, трет „Bad Boys“ филм чија премиера е закажана за почетокот на 2020 година.
Трејлерот ги има сите елементи карактеристични за „Bad Boys“, комични ситуации, скапи автомобили и костими.
Во описот за филмот стои дека лошите момци Мајк Лаури (Вил Смит) и Маркус Барнет (Мартин Лоренс) се повторно заедно за уште една последна авантура во „Bad Boys for Life“.
Првите два дела беа во режија на Мајкл Беј, но на третиот филм работат Адил Ел Арби и Билал Фалах, по сценарио на Крис Бемнер, Џо Карнахан, Давид Гугенхајм и Ентони Тамбакис.
Покрај Смит и Лоренс, во останатите улоги се појавуваат Ванеса Хаџенс, Александар Лудвиг, Чарлс Мелтон, Пола Нуњес и други.
Премиерата е закажана за 17 јануари 2020 година.