Еден од најдобрите фудбалери на Реал Мадрид, Винисиус Жуниор, на Instagram објави компилација од расистичките навреди кои ги добивал од трибините во последните месеци.
Последниот нецивилизиран испад на навивачите се случи на гостувањето на Реал кај Валенсија, по што Винисиус реагираше дури и се закани дека ќе ја напушти Шпанија, која ја нарече „земја на расисти“.
Бразилецот ја доби поддршката од Реал и неговата земја, кои покренаа правни процедури со цел да го заштитат фудбалерот.
Винисиус објави компилација од грозоморни навреди кои ги доби од 19 септември минатата година до натпреварот со Валенсија, а главната улога ја имаат навивачите на Атлетико, Барселона, Ваљадолид, Мајорка и Валенсија кои го нарекуваат мајмун имитирајќи мајмунски звуци, а му дофрлаат и „глупава црнчуга“, „негро“, „ќумбе“...
„Секое гостување носи убаво изненадување, а ги имаше многу оваа сезона. Смртни закани, обесена кукла, извици... Сѐ е снимено. На крајот секогаш се сведува на 'изолиран случај', на 'еден навивач'. Но, тоа нер се изолирани случаи, туку стални епизоди кои се протегаат на повеќе шпански градови и ТВ емисии. Доказот ењ во ова видео. Сега прашувам: Колку од тие расисте беа произвани по име, презиме и слика на интернет? Ќе одговорам за да ви биде полесни: Ниеден. Што треба да се направи за да се гонат овие луѓе? Или да се казнат клубовите?“, напиша Винисиус и додаде:
„Зошто спонзорите не ѝ го наплаќаат тоа на Ла Лига? Зарем не смета секој викенд на телевизија да се прикажува ова варварство? Проблемот е многу сериозен и веќе ништо не може да се постигне со разговор...“, напиша, меѓу другото, Винисиус.
