Температура пониска од минус 50 степени Целзиусови е измерена во 12 области на рускиот регион Јакутија, соопшти регионалната метеоролошка канцеларија на својата интернет страница.
Училиштата се делумно или целосно затворени во некои подрачја. Во областа Ојмјакон температурата падна на -55 степени, заедно со густа магла и нулта видливост. Ојмјакон се смета за центар на студенилото, пред 80 години беше измерена температура од минус 71,2 степени.
„На ваква температура децата не одат на училиште, но за да не заостанат со материјалот учат дома, решаваат задачи зададени од наставникот. Задолжителна е специјална облека од крзнени капи, бунди и чизми од крзно на ирваси“, пренесува агенцијата TASS.