Претседателот на Кипар, Никос Анастасиjадес изјави дека мотивот на денешното киднапирање на авионот на Egypt Air не е тероризам, туку дека во прашање се приватни причини поврзани со жена.
Египетските власти го соопштија името на киднаперот кој се закануваше со експлозив, станува збор за Ибрахим Самаха од Египет, вонреден професор на Универзитетот во Атланта. Има две државјанства, американско и египетско.
И претседателот на Кипар излезе со изјава во која вели дека причина за целиот немил настан е поради жена, а се прават обиди да се ослободат останатите заложници, пренесува Guardian.
„Тој не е терорист, тој е идиот. Терористите се луди, но не се глупави. Овој човек е глупав“, стои во официјалното соопштение на египетското Министерство за надворешни работи.
Египетските власти соопштија дека киднапирањето на авионот нема поврзаност со тероризам бидејќи мотивот на киднаперот е приватен, тој сака да разговара со поранешната сопруга и бара политички азил на Кипар. Во соопштението се наведува дека постојат можности експлозивот со кој се заканува да е лажен.
Според сведоци на настанот, Салах побарал да се достави писмо до жена која живее на Кипар. Таа била пренесена на аеродромот, а кризата сè уште продолжува, пишува Independent.
