Претседателот на кралскиот клуб, Флорентино Перес, најави дека планира да организира натпревар помеѓу тениските ѕвезди Роџер Федерер и Рафаел Надал на легендарниот стадион „Сантјаго Бернабеу“.
Синоќа Перес одржал состанот со клупската управа, а меѓу останатите теми била и организацијата на тенискиот меч. Идејата е да се постави нов рекорд во посета на тениски натпревар надминувајќи ги досегашните 35.681 гледач на мечот меѓу Ким Клајстерс и Серена Вилијамс одигран на 8 јули 2010 година на „Крал Бодуин“ стадионот во Брисел.
Нов рекорд треба да биде поставен на 7 февруари која Надал и Федерер ќе играат пред 50 илјади гледачи на фудбалскиот стадион „Грин Поинт“ во Кејп Таун, Јужна Африка. Натпреварот ќе биде хуманитаерен бидејќи приходите од продадените влезници ќе бидат наменети за помош на загрозените деца во регионот.
Надал одамна се има декларирано како мадридиста, па играњето пред 80 илјадна публика на стадионот на Реал би било остварување на неговиот сон. Се очекува Федерер да ја прифати покана бидејќи му должи на Надал со оглед на тоа што идејата да се игра во Јужна Африка беше на Швајцарецот чија мајка е родена таму.
За сега не знае кога би се играл натпреварот.
