Пожарникарите синоќа го ставиле под контрола пожарот во планинската област на јужна Калифорнија поради кој десетици илјади жители беа принудени да побегнат и во кој беа уништени стотина домови, соопштија властите.
Во пожарот на областа 120 километри североисточно од Лос Анџелес, кој избувна во вторникот, изгореа околу 15.000 хектари суво земјиште и грмушки. Огнот уништил 95 семејни куќи и 213 згради, според првичните процени на теренот, изјавил во телефонски разговор за Reuters портпаролот на пожарникарите Лин Сијлијет. Пожарникарите успеале да зауздаат околу 40 отсто од пожарот од петокот навечер, и покрај сувото и жешко време, како и опасниот терен, додал.
Интензивниот пожар кој предизвикува виори од пламен слично на циклоните и натаму претставуваат закана за 34.500 домови и згради, вклучително и зимувалиштето Рајтвуд. Во огнот е уништен и познатиот „Summit Inn“, популарен ресторан на историскиот Route 66 државниот автопат.
„Ужасно е, Лошо чувство е да се види што сé изгоре“, Имавме често пожари и многу инциденти во ова област, но секогаш тоа некако успевавме да го пребродиме, но ова е поинаку. Сé е готово“, рекол 84-годишниот Сесил Стивенс, кој беше сопственик на ресторанот „Summit Inn“ речиси 50 години пред неодамна да го продаде.