Спасувачите во понеделникот пронашле двајца преживеани во урнатините на станбениот комплекс по земјотресот кој во саботата утрото го погоди југот на Тајван, во кој животите ги загубија најмалку 37 луѓе, а уште 110 се водат како исчезнати.
Маж на 40-годишна возраст бил извлечен од под урнатините со помош на дигалка, откако мила повеќе од 50 часа затрупан, а за медиумите градоначалникот на Тијанин, Вилијам Лаи, најверојатно ќе ја загуби едната нога. Спасителите претходно објавија дека успеале да извлечат 45-годишна жена, која под урнатините била со мртвите сопруг и син.
Повеќе од 110 луѓе сé уште се под купиштата бетонски блокови. Спасувачките екипи користат дигалки, дупчалки, кучиња трагачи и опрема за детектирање знаци на живот. Меѓутоа, нивните напори се многу ограничени поради неопходноста прво да бидат зацврстени многу нестабилните урнатини.
Во облакодерот „Златен змеј“ има 96 апартмани со 256 регистрирани станари, но во моментот на земјотресот во зградата имало повеќе луѓе.
Според Американската геолошка служба (USGS), земјотресот со магнитуда од 6,4 степени по Рихтер, го погоди јужниот дел од островот Тајван, во 3,57 часот во саботата утрото по локално време. Епицентарот на потресот бил на 25 километри јужно од градот Јуџинг, а хипоцентарот на длабочина од 10 километри. Најмногу е погоден двомилионскиот град Тајинин, а треперењето на почвата силно е почувствувано и во градот Каосиунг, и во неколку помали населени места, но таму не се регистрирани штети и настрадани.
Тајван лежи на сеизмички активната област ткн Пацифички огнен прстен, а во 1999 година беше погоден од земјотрес со магнитуда од 7,7 степени во кој загинаа 2.400 луѓе.
