Чилеански воен авион „С-130 Hercules“ со 38 патници исчезнал од екраните на радарите, но набрзо било потврдено дека авионот е урнат, пренесоа агенциите, повикувајќи се на Twitter информациите на военовоздухопловните сили на земјата.
Авионот се упатил во база на Антарктикот, а контактот со него бил загубен еден час по полетувањето.
Откако врската со екипажот била во прекин седум часа, чилеанските военовоздухопловни сили, како и националните и странските авиони и бродови, спровеле операција на претрага во реонот на инцидентот, за евентуално да спасат можни преживеани.
Авионот „С-130 Hercules“ полетал од базата „Чабунко“ во градот Пунта Аренас, што се наоѓа на крајниот југ на земјата, до воздухопловната база на Антарктикот.
Во авионот имало 17 членови на екипажот и 21 патник. Авионот транспортирал персонал, кој изведувал активности за оддржување на пловечки нафтовод.
„C-130 Hercules“ е американски воен транспортен авион за средни и долги дестинации. Тој е главниот воено-транспортен авион на САД, земјите на НАТО и серија други земји.
