Иако се работи за скици, а не за вистински фотографии, илустрацијата на концептот на Volkswagen открива многу за изгледот на електричниот концепт. Автомобилот ќе има лизгачка странична врата, која овозможува лесно излегување на патниците, а големото ветробранско стакло ќе овозможува одлична прегледност.
Четирите осветлени кругови на покривот се уште се мистерија, но претпоставките се дека станува збор за радари или за камери поставени во сите четири агли на покривот, што може да значи дека автомобилот поседува технологија за автономно возење.
Иако концептот е речиси подеднакво голем како и Golf, VW вети дека внатрешноста ќе биде како на Passat. Кабината се одликува со минималистички дизајн, а на скицата не се видливи физички контроли на инструмент таблата.
Концептот ќе биде претставен на Саемот за автомобили во Париз, а станува збор за прототип кој е многу блиску до сериско производство. Батеријата која ќе се вградува во него, ќе му овозможува да помине од 400 до 600 километри со едно полнење.
Volkswagen планира до 2025 година да има дури 30 електрични модели во понудата, па овој електричен хечбек е само дел од возилата што компанијата ги развива.