Volvo го претстави концептот за внатрешност за суперлуксузната Excellence верзија на новата лимузина S90, која е замислена да пружи максимална удобност за оној што се вози на задното десно седиште.
На местото на совозачкото седиште се наоѓа мултифункционална конзола која содржи голем екран што по потреба може да се собере и извади. Освен за забава и мултимедијални цели, тој може да служи и како компјутерски монитор, за во текот на возењето задниот дел да се претвори во преносна канцеларија.
Во централниот дел на задната клупа се наоѓа мал ладилник, а климата и греењето на седиштата се контролираат преку посебниот екран на допир што се извлекува од средишниот наслон за раката.
Идејата за новиот концепт за внатрешноста на S90 доаѓа по позитивните реакции за сличниот концепт на Lounge Console патничката кабина за SUV моделот XC90.