Врховниот суд на САД денеска ги отфрли барањата за брзо разгледување на случаите во врска со исходот од изборите во пет држави, во кои победи Џо Бајден, а кои беа поднесени од претседателот Доналд Трамп и неговите сојузници.
Во прашање се резултатите од изборите во Аризона, Џорџија, Мичиген, Пенсилванија и Висконсин.
И пред тоа, судиите не сторија ништо во тие случаи пред минатонеделното пребројување на изборните гласови на Конгресот, што ја потврди победата на Бајден.
Судот се уште може да постапува по жалбите поврзани со изборите на 3 ноември подоцна оваа зима или напролет. Неколку судии изразија интерес за случајот во Пенсилванија, каде Врховниот суд одлучи да го продолжи рокот за прием на гласачките ливчиња добиени по пошта за три дена.
Но, дури и ако судот покрене случај поврзан со изборите, веројатно нема да ги слушне аргументите до есен.
