Објавен е вториот целосен трејлер за акционата шпионска комедија „The Brothers Grimsby“, на Саша Барон Коен, кој покрај тоа што го напиша сценариото за филмот, ја има една од главните улоги во истиот.
Филмот ќе ја прикаже приказната за врвниот шпион (Марк Стронг) ќе биде принуден да работи на задача со својот брат фудбалски хулиган (Саша Барон Коен).
За разлика од првиот, вториот трејлер откива повеќе акциони сцени и моменти со кои што ќе се соочат браќата на својата мисија.
Саша Барон Коен го напиша сценариото за филмот, а режисер на истиот е Луис Летериер, познат по режирање на акциони филмови како The Transporter, Now You See Me, The Incredible Hulk и други. Покрај Саша Барон Коен и Марк Стронг, во филмот ќе глумат и Исла Фишер, Пенелоп Круз, Анабел Валис и други.
Премиерата на овој филм кај нас ќе се случи на 25. февруари, една недела пред американската. Погледнете го трејлерот:
