Заврши овосезонската бајка на Сарбрикен во Купот на Германија. Третолигашот ги исфрли Баерн, Ајнтрахт, Борусија, но синоќа на домашен терен беше поразен од Кајзерслаутерн со 2:0, па второлигашот стана првиот финалист во овосезонскиот ДФБ куп.
Сарбрикен пишуваше бајка, беше на чекор до финалето откако во полуфиналната жрепка го извлече второлигашот Кајзерслаутерн, но не успеа да направи уште еден подвиг, иако овој пат имаше полесен противник.
Авантурата на Сарбрикен почна преку Карлсруе, па славниот Баерн, Антрахт од Франкфурт, Борусија од Менхенгладбах и по три елиминирани бундеслигаши запре кај второлигаш. На преполниот „Лудвигпарк“ стадионот гостите од Кајзерслаутерн ја замолкнаа публиката кога во 53. минута Марлон Ритер донесе водство, а во 75-тата малискиот интернационалец Алмами Туре стави печат на победата од 2:0.
Но, и Кајзерслаутерн сезонава има убава куп приказна. Прво почна со елиминацијата на Кобленц, продолжи со Келн, па Нирнберг, Херта и сега преклу сарбрикен е во финалето. Клубот од „Фриц Валтер“ стадионот нема играно финале од сезоната 2002/2003 кога загуби, а последната кјуп титула му е во 1995/1996. Има вкупно две, другата му е од 1989/1990.
А, пак, Сарбрикен никогаш не играл куп финале. Ова беше петти пат како стигнува на чекор од финалето и потклекнува. Претходниот пат беше неодамна, во сезоната 2019/2020 кога имаше полесен пат и се сопна на првата сериозна пречка - Баер Леверкузен.
Инаку, Кајзерслаутерн во 2.Бундеслига се мачи и грчевито се бори за опстанок. Куп фианлето е дефинитивно спас на сезоната. Заспаниот џин откако во сезоната 2005/2006 испадна од Бундеслигата на кратко се врати во 2010-2012, а потоа од 2018/2019 дури беше и третолигаш. Од лани повторно е меѓу второлигашите. Има 4 титули шамион на Германија (1951, 1953, 1990/1991 и 1997/1998)
Сарбрикен не е ништо подобар - се наоѓа на средината на 3.Бундеслига без шанси за вклучување во борбата за промоција.
Вечерва ќе се добие вториот финалист по дуелот помеѓу Баер Леверкузен и Фортуна. Финалето е закажано за 25 мај од 20 чаост на „Олимпиаштадион“ во Берлин.
